गायिका आस्था राउतविरुद्ध अभद्र व्यवहारमा मुद्दा दर्ता

काठमाडौं : गायिका आस्था राउतविरुद्ध प्रहरीले अभद्र व्यवहार मुद्दाको जाहेरी दर्ता गरेको छ । गत बुधबार झापाको भद्रपुर हुँदै दार्जिलिङ जाने क्रममा त्रिभुवन विमानस्थलमा भएकाे विवादका बारेमा सामाजिक सञ्जालमा विवादित अभिव्यक्ति दिएपछि उनीविरुद्ध अभद्र व्यवहार मुद्दाको जाहेरी दर्ता भएको हो ।

महिला प्रहरीमाथि दुर्व्यवहार गरेकीले उनीमाथि जाहेरी दर्ता गरिएको  प्रहरीले जनाएको छ । काठमाडौं प्रहरी परिसरकाअनुसार अब जिल्ला प्रशासनबाट आस्थाविरुद्ध पक्राउ पुर्जी जारी भएपछि उनलाई प्रकाउ गरी कारवाही अगाडि बढाइने छ ।

महिला प्रहरी रमिता श्रेष्ठले गायिका राउतले सुरक्षा जाँचका क्रममा दुर्व्यवहार गरेको भन्दै विमानस्थल प्रहरी कार्यालयमा जाहेरी दिएकी थिइन् । उक्त जाहेरी महानगरीय प्रहरी कार्यालय रानीपोखरी हुँदै महानगरीय प्रहरी परिसरमा दर्ता भएको हो ।

परिसर काठमाडौंका एसएसपी उत्तमराज सुवेदीका अनुसार अब जिल्ला प्रशासनबाट आस्थाविरुद्ध पक्राउ पुर्जी जारी गर्ने तयारी रहेको छ ।