इटहरी । युरोपियन प्रोजेक्टको इसारामा नेपालको शिक्षालाई तहसन नहस पार्ने प्रयास भई रहेको निजी तथा आवासीय विद्यालय अर्गनाजेक्सन प्याब्सन का अध्यक्ष टिकाराम पुरीले आरोप लगाएका छन । सुनसरीको इटहरीमा प्याब्सन सुनसरीको १५औं साधारण सभालाई सम्वोधन गर्दै प्रमुख अतिथी पुरीले युरोपियन प्रोजेक्टको पैसा आएर निजी विद्यालयहरुको विरोध गर्ने काम भई रहेको आरोप लगाएका हुन ।
आफु नेतृत्वमा आएपछि निजी विद्यालयहरुको हक हितका क्षेत्रमा काम सुरु भएको समेत वताए उनले ४५ प्रतिशत हटाउने प्रयास भई रहेको साथै निजी विद्यालयहरु कम्पनीकै रुपमा सञ्चालन गर्न पाउनु पर्ने भन्दै पहल भइ रहेको जानकारी दिए । उनले अव आउने शिक्षा ऐन आफुहरुको हकहितको पक्षमा आउने विश्वास समेत व्यक्त गरे ।
कार्यक्रमका अन्य वक्ताहरुले समेत निजी क्षेत्रबाट सञ्चालन हुदै आएका संस्थागत विद्यालयहरु प्रति भेदभाव गरिए आएको गुनासो गरे । प्याब्सन सुनसरीका अध्यक्ष विष्णु कोइरालाको अध्यक्षतामा भएको साधारण सभामा प्याब्सन केन्द्रीय उपाध्यक्ष नारायण घिमीरे , सचिव राजेश दास , प्रदेस नम्बर १ अध्यक्ष युवराज बाशिष्ठ लगायतले बोलेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved