इटहरी । क्यान इन्फोटेक २०२० को सम्पूर्ण तयारी पुरा भएको छ । सुनसरीको इटहरीमा माघ १ गते देखि माघ ५ गते सम्म कम्प्युटर एशोसिएशन नेपालको आयोजनामा हुने मेलाको अन्तिम तयारी पुरा भएको मंगलबार पत्रकार सम्मेलन मार्फत जानकारी गराईएको छ ।
बिगत चार बर्ष देखि निरन्तर सुचना प्रविधिको बिषयमा जानकारि दिदै आएको क्यानले यस पटकको मेलामा भने नयाँ प्रविधि सँगै आईसीटीको क्षेत्रमा भएको बिकासको कुरालाई पनि समेटने जनाएको छ । पाच दिन सम्म चल्ने यो मेलामा ब्राण्डिंग, आईसीटि एक्ससरिज, गेम पार्लर,प्रोडक्ट लञ्चिंग, रकेट प्रदर्शनि, रोबोटिक्स, इ वेष्ट म्यानेजमेन्ट, वाईफाई, इन्टरनेट र लर्निंग सेन्टर लगायत बिभिन्न उच्च प्रविधिको सामग्रीहरु प्रर्दशनिमा राखीने क्यान सुनसरीका अध्यक्ष बिशाल बास्तोलाले सम्मेलनमा बताए ।
८० स्टल रहने उक्त मेलामा कम्प्युटर एक्सेसरिज, एन्टि भाइृरस सफ्टवेयर बैंकिंग सोलुसन, सीसीटीभि र हार्ड डिस्क जस्ता उत्पादनहरु प्रर्दशनीमा राखिने आष्योजकले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved