किसर क्विन ‘बाणी’विरुद्ध मुद्दा दर्ता

गत वर्षको सिनेमा ‘बेफिक्रे’मा रणवीर सिंहसँगको किस सिनले बलिउड सिनेमाकी किसर क्विन बनेकी बाणी कपुर ट्रोलको शिकार भएकी छिन् ।बाणी आफ्नो अफिसियल इन्स्टाग्राममा ‘हरे राम’ लेखेको बिकिनी लगाएको तस्बिर सेयर गरेकी थिइन्। बिकीनीमा भगवानको नाम लेखेर धर्मप्रति अपमान गरेको भन्दै सामाजिक सञ्जालमा उनको विरोध शुरु भएको हो ।

उनको ड्रेसमा कमेन्ट गर्दै एक प्रयोगकर्ताले लेखेका थिए,  ‘बाणी तिमीलाई हाम्रो हिन्दु धर्मदेखि अलिकति पनि डर छैन।  यदि भगवानलाई सम्मान गर्न सक्दैनौ भने अपमान गर्ने कोसिश पनि नगर।’ यो तिम्रो मुर्खता हो।

भारतीय सञ्चार माध्यम आजतकका अनुसार बाणीविरुद्ध मुद्दा दर्ता भएको छ । मुम्बईको एनएम जोशी मार्गमा रहेको पुलिस स्टेशनमा रमा सावन्त नामकी महिलाले बाणीविरुद्ध मुद्दा दर्ता गराएकी भारतीय सञ्चार माध्यमले उल्लेख गरेका छन् ।

मुद्दा दर्ता गरेकी रमाले बाणीविरुद्ध मानिसहरुको धार्मिक भावनामा ठेस पुराएको आरोप लगाएकी छिन् । रमाले पुलिसले उनलाई स्टेटमेन्ट रेकर्ड गर्नको लागि बोलाएको बताएकी छिन् । यसपछि, वाणीले इन्स्टाग्रामबाट ट्रोल बनेको तस्बिर हटाएकी छिन् । यद्यपि, तस्बिर सामाजिक सञ्जालमा भाइरल भइसकेको छ । बाणी हालै मात्र प्रदर्शनमा आएको ब्लकबस्टर चलचित्र ‘वार’ मा ऋतिक रोशन र टाइगर श्रोफका साथमा देखिएकी थिइन् ।