चलचित्र विकास बोर्डका अध्यक्ष भट्टराईको निधन

काठमाडौं । चलचित्र विकास बोर्डका अध्यक्ष केशब भट्टराईको निधन भएको छ। वैवाहिक कार्यक्रमबाट निवास फर्कंदै गर्दा बाटोमा बेहोस भएका ५२ वर्षीय भट्टराईलाई उपचारार्थ ओम अस्पताल लगिएकामा आइतबार राति १० बजेर २० मिनेटमा भएको पारिवारिक स्रोतले जनाएको छ । उनको हृदयाघातका कारण निधन भएको जनाईएको छ ।

उनी चलचित्रका निर्देशक साथै जनपक्षीय चलचित्रकर्मी मञ्चका पूर्वअध्यक्षसमेत थिए । भट्टराई एक वर्षअघि चलचित्र विकास वोर्डको अध्यक्ष चयन भएका थिए। उनका श्रीमती र एक छोरा छन् । उनको सोमबारै अन्त्येष्टि गरिनेछ ।