चतरा : सुनसरीको बराहक्षेत्र नगरपालिकामा गए राति भीषण आगलागी भएको छ । बराहक्षेत्र नगरपालिका वडा नम्बर २, देविथानमा रहेको एक कुखुरा फार्ममा आगलागी भएको हो ।
पदम मगरले सञ्चालन गरेको फार्ममा विद्युत् सर्ट भई आगो लागेको हुन सक्ने सन्चालक मगरले जानकारी दिए । बुधबार राति ११ बजेतिर लागेको आगो लगभग एक घण्टाको प्रयासपछि नियन्त्रणमा आएको थियो । स्थानीय वासी, नेपाल प्रहरी, सशस्त्र प्रहरी र नगरपालिकाको वारुण नियन्त्रणद्वारा आगो निभाउन सफल भएका थिए ।
आगलागीबाट कुनै मानवीय क्षति भने नभए पनि फार्ममा करिब ३ लाख ६८ हजार को क्षति भएको सन्चालक मगरले जानकारी दिए । त्यस फार्ममा रहेको एक हप्ताका ११ सय चल्ला, ४५ बोरा कुखुराको चारो, ३ वटा सिलिन्डर, १५० वटा फिडर-ड्रिङ्कर जलेर नष्ट भएको मगरले बताए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
