इटहरी : २०औ महिला सामुदायिक स्वास्थ्य स्वयसेविका दिवसको अवसर पारेर इटहरी ६० वर्ष पुरा गरेका महिला सामुदायिक स्वास्थ्य स्व्यंसेविकाहरुलाई ससम्मान बिदाई गरेको छ । लामो समय देखि स्वास्थ्य क्षेत्रमा उपमहानगरपालिका क्षेत्रमा सहयोग पुर्याउदै आएका २६ जना सामुदायिक महिला स्वयंसेविकाहरुलाई नगद १लाख सहित बिदाई गरिएको हो ।
उपमहानगरपालिका उपप्रमुख संगिता कुमारी चौधरीको अध्यक्षता तथा नगरप्रमुख हेमकर्ण पौडेलको प्रमुख आतिथ्यमा ६० वर्ष पुरा गरेका सामुदायिक महिला स्वयंसेविकाहरुलाई ससम्मान बिदाई गरियो।कार्यक्रममा बोल्दै उपमहानगरपालिका प्रमुख पौडेलले स्वास्थ्य स्वयंसेविका कार्यक्रम लागु भए देखि निरन्तर सेवारत महिला स्वयंसेविकाहरुलाई उपमहानगरपालिकाको तर्फबाट सेवा अवधिका आधारमा प्रोत्साहन रकम उपलव्ध गराएको जानकारी गराए ।
इटहरी उपमहानगरपालिका क्षेत्रमा हाल १सय ३५जना सामुदायिक महिला स्वास्थ्य स्वयंसेविकाहरुले सेवा प्रदान गर्दै आएका छन ।
स्वयंसेविकाहरुको बिदाई कार्यक्रममा उपमहानगरपालिका प्रमुख प्रशासकीय अधिकृत रामचरित्र मेहता , सामाजिक विकास शाखाकी प्रमुख भोजकला दवाडी , वडा नम्बर ६का वडाध्यक्ष तथा उपमहानगरपालिका प्रवक्ता दिवस पोखरेल लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved