काठमडौं : नेकपा एमालेका अध्यक्ष केपी शर्मा ओलीले दुर्गा प्रसाईंले बल्खुमा पाँच सात हजार मान्छे ल्याउँदा सरकार थर्कमान भएको टिप्पणी गरेका छन् । कुनै एजेण्डा नभएको व्यक्तिको पछाडि लागेर भोलि उठि कहाँ जाने थाहा छैन भन्ने खालका मानिसहरुकोे भिड देखेर सरकार थर्कमान भएको टिप्पणी गरेका हुन ।
कहाँ हिँड्या , केका लागि हिँड्या के माग हो ? के नारा हो ? केही थाहा नभएका मान्छेका हुल देखेर सरकार आतिएको उनको भनाई थियो । राष्ट्रिय युवा संघको केन्द्रीय कमिटी बैठकलाई सम्बोधन गर्दै गठबन्धन भएपनि सरकारको जग नभएको उनको भनाइ छ ।
जनताको काम लाग्ने चिज होइन रहेछ भनेर १५ वर्ष अगाडि फालिसकेको राजतन्त्र कसैले ब्यूँताउँछु भन्नु दिवा स्वप्न भएको उनको दाबी छ । प्रसाईंतिर लक्षित गर्दै युवा संघले बिहीबार गरेको प्रदर्शन झलक मात्र भएको भन्दै उनले ठूला आन्दोलनका लागि पनि तयार रहन आग्रह गरे ।
प्रतिक्रिया दिनुहोस
Copyright © 2019 / 2024 - Newpati.com - All rights reserved