सिराहा : सिराहाको हुलाकी राजमार्गमा दुईवटा मोटरसाइकल ठोक्किँदा तीनजनाको मृत्यु भएको छ भने एकजना गम्भीर घाइते भएका छन्।
मृत्यु हुनेमा सिराहाको अर्नामा गाउँपालिका–५ का १९ वर्षीय मुकेशकुमार सिंह, ३२ वर्षीय रामवृक्ष यादव र २७ वर्षीय दिनेशकुमार यादवको मृत्यु भएको जिल्ला प्रहरी कार्यालयका प्रवक्ता डीएसपी रवीन्द्रराज पाण्डेले जानकारी दिएका छन ।
बुधबार साँझ सवा ७ बजेतिर सिराहा नगरपालिका–१९ सन्हैठा नयाँचोकमा पूर्वबाट पश्चिम आउँदै गरेको स २ प ४५३१ नम्बरको मोटरसाइकल र विपरीत दिशातर्फ जाँदै गरेको प्रदेश २–०१–००१ प १८५० नम्बरको मोटरसाइकल ठोक्किएको प्रहरीले जनाएको छ ।
डीएसपी पाण्डेका अनुसार उपचारका लागि प्रादेशिक अस्पताल सिराहा पुर्याउँदा तीनै जनालाई चिकित्सकले मृत्यु घोषणा गरेका थिए।
प्रतिक्रिया दिनुहोस
Copyright © 2019 / 2024 - Newpati.com - All rights reserved