विराटनगर : मोरङको उर्लाबारीमा भएको आगलागी घटनामा मृत्यु हुनेको संख्या ३ पुगेको छ। बुधबार राति एक जना र आज बिहान थप दुई जनाको मृत्यु भएको हो ।
आज बिहान साढे ६ बजे कुमार तामाङ र बुधवार राति हेमकुमार दाहालको उपचारका क्रममा मृत्यु भएको मोरङ प्रहरीले जनाएको छ । यसअघि आगलागीमा परेर तपन पण्डितको उपचारकै क्रममा मृत्यु भइसकेको छ ।
गत कात्तिक २६ गते लक्ष्मीपूजाको राति उर्लाबारी –७ इटहरा रोडमा स्थानीय दीपक कार्कीको सुन पसलमा अचानक आगलागी भएको थियो। आगो निभाउन गएका ४ प्रहरीसहित २८ जना घाइते भएका थिए।
हाल २२ जना घाइतेहरूको कीर्तिपुर बर्न अस्पतालमा उपचार भइरहेको छ। ती मध्ये ६ जनाको आइसीयूमा उपचाररत छन्।
प्रतिक्रिया दिनुहोस
Copyright © 2019 / 2024 - Newpati.com - All rights reserved