इटहरी : इटहरी क्षेत्रमा नियमित सरसफाई र सडक आसपासका क्षेत्रमा लगाइएका फूल तथा विरुवाहरु गोडमेल गर्दै आएको वुल्स ऐलेभेन क्लव इटहरीले आगामी तिहारलाई लक्षित गरी सार्वजनिक क्षेत्रमा सयपत्रीको विरुवा रोपेको छ ।
किमाथांका रानी सडक खण्ड अन्तरगत इटहरीको मुख्य चौक उत्तर तर्फ सडक विच भागमा फुल तथा विरुवा लगाउन ठाउँमा सयपत्रीका ६ सय विरुवाहरु वुल्स ऐलेभेनले रोपेको हो ।
दुई तर्फ सडक विभाजन गर्न र फूल वारी लगाउन छोडिएको ठाउँमा फूल तथा विभिन्न विरुवाहरु समेत लगाएर सडक क्षेत्रको सौन्दर्यकरण गर्ने काममा सहयोग पुर्याउदै आएको वुल्स ऐलेभेनले साप्ताहिक रुपमा सो क्षेत्रमा फूल तथा विरुवा गोडमेल र सरसफाई गर्दै आएको छ । सोही क्षेत्रमा आगामी तिहारका समयमा फूलको अभावलाई केही हद सम्म पुरा गराउने उद्धेश्यले सयपत्री फूल लगाएको वुल्स ऐलेभेनका उपाध्यक्ष रामु राईले वताए ।
सयपत्री फूल रोप्ने तथा सरसफाई तथा फूल गोडमेल गर्ने कार्यक्रममा इटहरी उपमहानगरपालिका वडा नम्बर ६का वडाध्यक्ष दिवस पोखरेल , समाजसेवी रोशन तामागं लगायतको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved