इटहरी : योग, ध्यान र सकारात्मक सोचले सकारात्मक जीवन शैली अपनाउन सकिने तर्फ मध्यनजर गर्दै नेपाली सेनाको पूर्वी पृतना हेडक्वाटर इटहरीमा उत्प्रेरणा कार्यक्रम आयोजना गरिएको छ ।
ब्रह्माकुमारी राजयोग सेवा केन्द्र इटहरीले पूर्वी पृतना हेडक्वाटर इटहरीमा सकारात्मक जीवन शैली विषयक उत्प्रेरणा कार्यक्रम आयोजना गरेको हो ।
पूर्वी पृतना हेडक्वाटरका पृतनापति डा. आसबहादुर तामाङको नेतृत्वमा सहभागी नेपाली सेनाका विभिन्न दर्जामा रहेकाहरुलाई उत्प्रेरक ब्रह्माकुुमार विजयराज सिग्देलले उत्प्रेरणा सम्वन्धी सहजिकरण गरेका थिए । त्यसै गरी ब्रह्माकुमारी राजयोग सेवा केन्द्र इटहरीकी सञ्चालिका शारदा सिटौलाले राजयोग सहित ध्यानका विषयमा सहजिकरण गरेकी थिइन् ।
योग, ध्यान र सकारात्मक सोच लगायतका विषयवस्तु केन्द्रित भएर ब्रह्माकुमारी राजयोग सेवा केन्द्र इटहरीले विभिन्न पेशा, व्यवसाय, समुदायका मानिसहरुलाई सहभागिता गराएर सेवा केन्द्रमा नै उत्प्रेरणादायक कार्यक्रम सञ्चालन गर्दै आएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
