इटहरी : इटहरी उपमहानगरपालिकाको विभिन्न वडाहरुमा हालै गठन गरिएका जेष्ठ नागरिक वडा समितिका पदाधिकारीहरुसंग जेष्ठ नागरिक नगर समन्वय समिति इटहरीले अनुभव आदान प्रदान सहितको अभिमुखिकरण सम्पन्न गरेको छ ।
जेष्ठ नागरिक नगर समन्वय समिति इटहरीको आयोजनामा अनुभव आदान प्रदान तथा अभिमुखिकरण कार्यक्रम सम्पन्न भएको हो ।
जेष्ठ नागरिक सभाहल पचरुखीमा आयोजना गरिएको अभिमुखिकरण, नगर समन्वय समितिका अध्यक्ष पुण्यप्रसाद न्यौपानेको अध्यक्षता तथा इटहरी उपमहानगरपालिकाकी उपप्रमुख संगिता चौधरीको प्रमुख आतिथ्यमा भएको थियो । सो क्रममा जेष्ठ नागरिकहरुले आफनो जीवनका भोगाईका क्रममा विभिन्न पक्षहरु साथै सामाजिक विकास लगायतमा आफुहरुले संगालेका अनुभावहरु आदान प्रदान गरेका थिए । इटहरी उपमहानगरपालिका वडा स्तरमा जेष्ठ नागरिक वडा समिति वडा नम्बर १, २, ७, ८, ९, १०, ११, १३, १४, १५ र १८ मा गठन भई सकेका छन् । अन्य वडाहरुमा पनि क्रमशः गठन गरिने समेत सो अवसरमा जानकारी गराइयो ।
कार्यक्रममा जेष्ठ नागरिक समाज इटहरीका अध्यक्ष कर्ण बहादुर कार्की, उपाध्यक्ष गंगाप्रसाद दाहाल, जेष्ठ नागरिक समन्वय समिति इटहरीका उपाध्यक्ष तुलाराम दंगाल, कोषाध्यक्ष मुक्ती निरौला, सहसचिव हरिप्रसाद भट्टराई लगायतको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
