इटहरी : पुराना पित्तल, तामा, सिल्भर लगायतलाई पगालेर भाँडा मुर्ति लगायत बनाउने काम गर्दै आएका भारतीय नागरिकहरु आफ्नो कलाको प्रयोग गरेर राम्रो आम्दानी गरिरहेका छन् ।
पुराना भाँडा तथा अन्य सामाग्री पगालेर भाँडा तथा मुर्ति बनाउन सकिने भएकाले नेपालीहरु आकर्षित हुने गरेका कारण यिनीहरुले राम्रो आम्दानी गर्ने गरेका हुन् ।
आफुलाई आवश्यक पर्ने सामाग्री बनाउन आउनेहरुसंग आवश्यक पर्ने कच्चा पद्धार्थ पित्तल, तामा, सिल्भर लिएर आउनेहरुलाई सामान अनुसार २ सय देखि ४ सय ज्याला लिएर भाँडा तथा मुर्ति यिनीहरुले वनाइ दिने गरेका छन् । विगत देखि नै नेपालका काठमाडौं देखि लिएर पहाडि जिल्ला हुम्ला, जुल्ला सम्म पनि यस्तो काम गर्न जाने गरेको बताउँदै विगतको तुलनामा अहिले कमाई कम हुन थालेको मैबुल अली बताउँछन् ।
एक किसिमको माटोमा जुन वस्तु वनाउने हो त्यसलाई राखेर त्यसको स्वरुपमा माटोमा उतारेर सोही स्वरुप बनेको ठाउँमा पगालेर तरल बनाईएको कच्चा पद्धार्थ हालेर दुरुस्त उस्तै वस्तु बनाएर दिने गरेका छन् ।
भाँडा तथा मुर्ति बनाउने काम गर्ने भारतीयहरु पछिल्लो समयमा सुनसरीका विभिन्न ठाउँमा घुमेर भाँडा तथा मुर्ति वनाउने काम गर्दै आएका छन ।
प्रतिक्रिया दिनुहोस
Copyright © 2019 / 2024 - Newpati.com - All rights reserved