नेपाल ट्रेड युनियन कांग्रेस कोशी प्रदेशको दोस्रो प्रदेश अधिवेशन यहि बैशाख ३० गते हुने

नेपाल ट्रेड युनियन कांग्रेस कोशी प्रदेशको दोस्रो प्रदेश अधिवेशन यहि बैशाख ३० गते हुने भएको छ । एनटियुसी को आज मंगलबार बसेको कोशी प्रदेश समितिको बैठकले यहि बैशाख ३० गते सुनसरीको इटहरीमा प्रदेश अधिवेशन गर्ने निर्णय गरेको हो । अधिवेशनलाई सफलतापूर्वक सम्पन्न गराउनका लागि बिभिन्न उप समितिहरु गठन गरिएको छ ।

बैठकबाट भोजराज कोईरालको संयोजकत्वमा आवास उपसमिति, गोपाल बिष्टको संयोजकत्वमा भोजन व्यवस्थापन सिमति, पंक्षी वाईवाको संयोजकत्वमा अतिथि सत्कार, प्रेस संयोजकमा रञ्जना पौडेल र मनोज निरौलाको संयोजकत्वमा मञ्च व्यवस्थापन समिति गठन गरिएको हो ।

कोशी प्रदेश अध्यक्ष नारायण बाबु कार्कीको अध्यक्षतामा भएको सो बैठकको प्रमुख आतिथ्यता नेपाल ट्रेड युनियन काँग्रेस केन्द्रिय समितिका उपमहासचिव ज्योती कोईरालाको रहेको थियो भने बैठकमा नेपाल यातायात मजदुर संघका केन्द्रिय उपाध्यक्ष कमल राई, निर्माण सम्बन्ध श्रमिक संघ केन्द्रिय सदस्य गोपाल बिष्ट, नेपाल यातायात मजदुर संघ पुर्व जिल्ला अध्यक्ष राजेश श्रेष्ठ, नेपाल सार्वजनिक सुनसरीका अध्यक्ष गोपाल दंगाल, दुहवी नगर अध्यक्ष शिव नारायण चौधरी लगायतको उपस्थिति रहेको थियो ।