इटहरी : सिरुवा जुरशितल पर्वको अवसरमा इटहरीमा शुभकामना आदन प्रदान कार्यक्रम सम्पन्न गरिएको छ ।
थारु कल्याणकारीणी सभा इटहरी नगर समितिको आयोजना तथा इटहरी उपमहानगरपालिकाको सह-आयोजनामा शनिबार इटहरी स्थित लायन्स क्लबको भवनमा आयोजित कार्यक्रममा शुभकामना आदन प्रदान गरिएको हो ।
थारु कल्याणकारीणी सभा इटहरीका अध्यक्ष लक्ष्मीनारायण चौधरीको अध्यक्षता तथा इटहरी उपमहानगरपालिकाका प्रमुख हेमकर्ण पौडेलको प्रमुख आतिथ्यतामा सम्पन्न कार्यक्रममा थारु जातिहरूको महान पर्वको रुपमा मनाउने सिरुवा तथा जुरशितल पर्वको अवसरमा एक आपसमा शुभकामना आदान प्रदान गरिएको हो ।
बैशाख भरी थारुहरुले मनाउने सो पर्वले सामाजिक सद्भाव भाइचारा कायम गर्ने देखि लिएर संस्कृति संरक्षणमा समेत योगदान पुर्याएका कार्यक्रमका वक्ताहरुले जोड दिएका थिए ।
कार्यक्रममा इटहरी उपमहानगरपालिका कि उपप्रमुख संगीता चौधरी, थारु कल्याणकारीणी सभाका केन्द्रीय उपाध्यक्ष भन्नुलाल चौधरी, केन्द्रीय सदस्य उर्मीला चौधरी, ग्रामथान संरक्षण समिति सुनसरीका अध्यक्ष तेज नारायण चौधरी लगायतका अतिथिहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved