इटहरी : इटहरी मुख्य चौकमा देखा परेको पार्किङको समस्या समाधानका लागी उद्योग वाणिज्य संघ इटहरीले इटहरी नगर सरकारलाई ध्यानाकर्षण पत्र बुझाएको छ ।
मुख्य चौक आसपासका क्षेत्रमा पार्किङको समस्याका कारण व्यवसायी मारमा परेको भन्दै उद्योग वाणिज्य संघ इटहरीले इटहरी उपमहानगरपालीकाका मेयरलाइ ध्यानाकर्षण पत्र बुझाएको हो । इटहरी चौक क्षेत्रमा व्याप्त पार्किङको असुविधाले व्यवसायीहरु पलायन हुने अवस्था आएको तर्फ मध्यनजर गर्दै यथासिघ्र पार्किङको समस्या समाधान गर्न अनुरोध गरिएको उद्योग वाणिज्य संघका अध्यक्ष जिवन पराजुलीले जानकारी दिए ।
पूर्वकै व्यवसायीक केन्द्र इटहरीमा व्यवसाय गर्दै आएका व्यवसायीहरुले अव्यवस्थीत पार्किङ आफुहरुको साझा समस्या रहेको उल्लेख गर्दै देश आर्थिक सङकटबाट गुज्रीरहेको समय पार्किङको अभावमा चोक क्षेत्रमा व्यवसाय गर्ने व्यवसायीहरु समेत घटेको उनीहरुको गुनासो थियो ।
ध्यानाकर्षण पत्र बुझ्दै नगरप्रमुख पौडेलले ट्राफिक र व्यवसायीहरुसाग छलफल गरेर यो समस्या चाँडै नै समाधान गरिने विश्वास व्यक्त गरेका छन । हाल इटहरी मुख्य चौकबाट ३ सय मीटर वरपर पार्कीङ नीषेध गरीएको छ । पार्किङको दीर्घकालीन समाधानकालागि इटहरी उपमहानगर लागि परेको नगर प्रमुख पौडेलको भनाई छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
