सतहि फेरबदल आलटाल र टालटुलको प्रणालीले कुनै खदिलो परिणाम नदिने : पूर्वराजा ज्ञानेन्द्र

सुनसरी : पूर्वराजा ज्ञानेन्द्र शाहलाई सुनसरीको सदरमुकाम इनरुवामा नागरिक अभिनन्दन गरिएको छ । अभिनन्दनका क्रममा शाहले तन मन र धनमा लोभ्याएर सामाजिक संरचना च्यात्ने प्रयास भएको बताएका छन् ।

शाहले राजनैतीक दलहरुले स्थिरता र स्थायीत्व राज्यपद्धती,शान्ती र अनुसासनलाइ कायम गर्न नसकेको संकेत गरेका छन । स्थिरता र स्थायीत्व,सही राज्य पद्धती,शान्ती एवम् अनुसाशन बिना हुन नसक्ने बताउँदै पूर्वराजा ज्ञानेन्द्र शाहले कसैलाइ धन,कसैलाइ मन,कसैलाइ पद र कसैलाइ कद दिएर लोभ्याएर सामाजिक सञ्रचना च्यात्ने प्रयास भइरहेको आरोप समेत लगाएका छन । परिवर्तन देखाउन अहिलेको सतहि फेरबदल आलटाल र टालटुलको प्रणालीले कुनै खदिलो परिणाम नदिने उनले उल्लेख गरेका छन ।

नेपालमा गणतन्त्र स्थापनापछि पहिलोपटक पूर्वराजालाई गरिएको नागरिक अभिनन्दन समारोहमा इनरुवा तथा आसपासका क्षेत्रमा अहिलेको सरकारको नेतृत्व गर्ने व्यक्तिभन्दा बढी सुरक्षा व्यवस्था मिलाइएको थियो । अभिनन्दन समारोहमा उपस्थीत राजावादिहरुले राजा आउ देश बचाउको नारा समेत लगाएका थिए । पुर्वाञ्चल क्षेत्रीय नागरिक अभिनन्दन मुल आयोजक समितिले इनरुवा स्थित जेल फिल्डमा पूर्वराजा ज्ञानेन्द्र शाहलाइ अभिनन्दन समेत गरेको हो ।