सुनसरी : सुनसरी र मोरङ जिल्लाको संगम स्थलमा रहेको पवित्र वुढीगंगा नदी किनारामा हुने महाशिव गंगा आरती कार्यक्रममा राजा ज्ञानेन्द्र शाह पत्नी कोमलका साथ सहभागि भएका छन । बुढी गंगाजमुना मुक्त घाटमा गत साउन महिना देखि हरेक सोमबारका दिन गरिदै आएको महाशिवगंगा आरती कार्यक्रममा सहभागी हुन राजा ज्ञानेन्द्र पत्नी सहित इटहरी आएका हुन ।
धार्मिक जागरणमा विशेष महत्व दिदै आएका पुर्व राजा ज्ञानेन्द्रले महाशिवगंगा आरती लिएका छन भने नजिकै रहेको कृष्ण प्रणामी मन्दिरमा विशेष पुजाअर्चना समेत गरेका छन । राजा ज्ञानेन्द्र महाशिवगंगा आरतीमा सहभागी हुन आउने भएसंगै वुढीगंगा नदी क्षेत्रमा दिउँसो देखि नै मानिसहरुको चहलपहल वढेको थियो ।
शिव सेना नेपाल सुनसरीको आयोजनामा बुढीगंगा जमुनामुक्ती घाटमा सन्ध्याकालिन हरेक सोमवार महाशिवगंगा आरती गरिदै आएको छ । अन्य समयमा समेत महाशिवगंगा आरतीमा उल्लेखिय संख्यामा भक्तजनहरुको सहभागिता रहदै आएकोमा आज राजा ज्ञानेन्द्रको समेत सहभागिता रहेका कारण अझ धेरै मानिसहरुको भिड लागेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved