सुनसरीको जनसंख्या : ९ लाख २६ हजार ९ सय ६२

सुनसरी : सुनसरीको जनसंख्या ९ लाख २६ हजार ९ सय ६२ पुगेको छ । २०६८ को जनगणना अनुसार कुल ७ लाख ६३ हजार ४ सय ८७ रहेको सुनसरीको जनसंख्या १ लाख ६३ हजार ४ सय ७५ ले वृद्धि भएको हो । सुनसरीको कुल जनसंख्यामा महिला ४ लाख ७७ हजार ९ सय ३९ र पुरुष ४ लाख ४९ हजार २३ रहेको तथ्याङकले देखाएको छ । सुनसरीको जनसंख्या वृद्धिदर प्रतिवर्ष १ दशमलव ८६ रहेको छ । सुनसरीको जनसङख्याले देशको कुल जनसंख्याको ३ दशमलव १८ प्रतिशत हिस्सा ओगटेको छ भने सुनसरी जिल्लामा परिवारको औषत आकार ४ दशमलव ३६ व्यक्ति प्रति परिवार रहेको छ ।

उक्त तथ्याङ्क अनुसार इटहरी उपमहानगरपालिकामा जिल्लाका स्थानीय तहमध्ये सबैभन्दा धेरै १ लाख ९७ हजार २ सय ४१ जनसंख्या रहेको छ भने सबैभन्दा कम बर्जु गाउँपालीकामा ३६ हजार २ सय ४९ जनसंख्या रहेको छ । यस्तै इटहरी उपमहानगरपालिका पछि धरान उपमहानगरपालिकामा १ लाख ६६ हजार ५ सय ३१ रहेको छ ।

यस्तै बराहक्षेत्र नगरपालिकाको जनसंख्या ९१ हजार ८७,इनरुवा नगरपालिकाको ७४ हजार ९ सय १४,दुहवी नगरपालिकाको ६६ हजार ७४,रामधुनी नगरपालिका ६३ हजार ४ सय ५२,हरिनगर गाउँपालिकाको ४९ हजार ८ सय ४५,भोक्राहा नरसिंह गाउँपालिकाको ४९ हजार २ सय ८० रहेको छ । यस्तै,कोशी गाउँपालिकाको ४८ हजार ८ सय ४,देवाञ्गन्ज गाउँपालिकाको ३९ हजार ३०,गढी गाउँपालिकाको ३८ हजार ७ सय ३९ रहेको छ । ।