पत्रकार महासंघ सुनसरीका अध्यक्ष जनकऋषि राई पक्राउ

बिराटनगर : प्रदेशको नामकरणविरुद्ध विराटनगरमा आयोजित पहिचानका लागि सडक साहित्यिक यात्रामा सहभागी नेपाल पत्रकार महासंघ सुनसरीका अध्यक्ष जनकऋषि राईलाई प्रहरीले केही समय पक्राउ गरि छाडेको छ । बिहीबार राईसँगै पत्रकार सञ्जय याख्खा समेत पक्राउ परेका थिए ।

प्रहरीले राई र याख्या दुबैलाई केही समाय पछि छाडेको हो । कोशी प्रदेशसभा भवन नजिक कविता वाचन शुरु गरेका अध्यक्ष राईलाई प्रहरीले त्यहाँबाट हट्न निर्देशन दिएको थियो । राईले कविता वाचन गर्न थालेपछि उनलाई प्रहरीले पक्राउ गरेको हो । किराँत राई लेखक संघ, किराँत अन्तरराष्ट्रिय साँस्कृतिक अभियान, याक्थुङ लेखक संघले आयोजना गरेको सडक साहित्यिक यात्रामा सहभागी हुन विभिन्न जिल्लाबाट साहित्यकार विराटनगर आएका थिए ।

प्रदेशको नामकरणमा पहिचान मेटाएर कोशी राखिएको विरोधमा किराँत–लिम्बुहरूले विरोधका कार्यक्रम गर्दै आएका छन्। प्रहरीले पत्रकारलाई समेत अभद्र व्यवहार गरेका थिए ।