पूर्वाञ्चल जागरण उत्सव इटहरीमा आयोजना हुने

इटहरी : तनाव व्यवस्थापन तथा क्षमता अभिवृद्धी सम्बन्धी साधनामुखी कार्यक्रम पुर्वाञ्चल जागरण उत्सव इटहरीमा आयोजना हुने भएको छ । जिवन विज्ञानका प्रशिक्षकहरुले हरेक २ वर्षमा महाकुम्भको रुपमा मनाउँदै आएको परिषद सम्मेलन पुर्वाञ्चल जागरण उत्सव इटहरी रङगशालामा आयोजना हुने कुरा इटहरीमा आयोजित पत्रकार सम्मेलनमा जानकारी गराइयो ।

जिवन विज्ञान परिषद प्रदेश नम्बर १ ले आयोजना गरेको पत्रकार सम्मेलनका बीच इटहरी रंगशालामा हुने उक्त कार्यक्रममा स्वदेश तथा विदेशबाट ५ हजार बढी मानिसको सहभागिता रहने जानकारी गराइयो । पुर्वाञ्चल जागरण उत्सव इटहरीमा आयोजना हुनु इटहरीको लागी थप पहिचान स्थापित गराउने अवसर भएको इटहरी उपमहानगरपालिकाका प्रमुख हेमकर्ण पौडेलले बताए । प्रमुख पौडेलले सो कार्यक्रममा कुनै कुराको कमी हुन नदिन इटहरी उपमहानगरपालिका अहोरात्र मेहनतका साथ लाग्ने प्रतिबद्धता व्यक्त गरे ।

सो अवसरमा पुर्व क्षेत्रमा रहेका विभिन्न जात जाती,भाषा ,धर्म र सम्प्रदायका मौलीक संस्कृतीमा आधारीत झाँकीहरु रहने जानकारी गराइएको छ । साथै कार्यक्रममा विभिन्न संघसंस्था,शैक्षीक प्रतिष्ठानका व्यानर सहीतको सहभागीता रहनेपनी सो अवसरमा जानकारी गराइयो । वर्तमान मानव समाजमा आवश्यक सहकार्य र चौतर्फी विकासको मुल्य अभिवृद्धी गर्नु नै उक्त कार्यक्रमको मुल उद्धेश्य रहेको जिवन विज्ञान परिषद प्रदेश नम्बर १ समिति संयोजक बालिका खड्का भट्टराइले जानकारी दिइन । यस्तै सो अवसरमा प्रधानमन्त्री पुष्पकमल दाहाल सहीत राष्ट्रीय कलाकार मदनकृष्ण श्रेष्ठ,हरीवंश आचार्य लगायत मुख्यमन्त्री,स्थानीय सरकारका प्रमुखहरु,गायक,कलाकार लगायतको सहभागिता रहने जनाइएको छ ।

जिवन विज्ञानका कार्यक्रमहरुबाट हालसम्म १५ लाख व्यक्तीले प्रत्यक्ष रुपमा लाभ लिइसकेका छन । यस प्रतिष्ठानले स्थापनाको ११ वर्षमा ११ सय योग तथा जिवन बिकास प्रशिक्षक तयार गरी विश्वका ५५ देशहरुमा सकारात्मक सोच तथा समृद्धिका लागि सेवा पुर्याउदै आएको जानकारि गराइएको छ । व्यक्तित्व एवम क्षमताको बिकासका लागि जिवन व्यवस्थापन तथा साधनामुखि कार्यक्रमहरु यस प्रतिष्ठानले सञ्चालन गर्दै आइरहेको छ ।