काठमाडौं : ग्यास सिलिण्डर बिस्फोटबाट गम्भीर घाइते भएकी सांसद चन्द्र भण्डारीकी आमा हरिकला भण्डारीको उपचारका क्रममा निधन भएको छ ।
बुधवार राति काठमाडौंको बुद्धनगर स्थित निवासमा ग्यास बिस्फोट हुँदा सांसद भण्डारी र उनकी आमा हरिकला गम्भीर घाईते भएका थिए । दुबैजनालाई उपचारका लागि कीर्तिपुर अस्पतालमा लगिएको थियो । उपचारकै क्रममा ८६ वर्षीया हरिकला भण्डारीको आज बिहान १० बजेर ५७ मिनेटमा निधन भएको अस्पतालले जनाएको छ ।
सांसद भण्डारीको भने उपचार जारी छ। सांसद चन्द्र भण्डारीलाई थप उपचारका लागि भारतको मुम्बई लगिने भएको छ । उनलाई उपचारको लागि दिउसो १ बजे श्री एयरलाइन्सको एयर एम्बुलेन्सबाट मुम्बइस्थित नेशनल स्किन बर्न सेन्टरमा लैजाने तयारी गरिएको नेपाली कांग्रेस लुम्बिनी प्रदेशका सदस्य मोतीलाल भण्डारीले जानकारी दिए। सरकारले सांसद भण्डारीलाई थप उपचारका लागि भारत लैजानका लागि तयारी गरेको जनाएको छ । ग्यास बिस्फोटका कारण सांसद भण्डारीको २५ देखि ३० प्रतिशत र उहाँकी आमा हरिकलाको ७० प्रतिशत शरीरको भाग जलेको अस्पतालले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved