खानेपानी तथा सरसफाई उपभोक्ता महासंघ सुनसरीको अध्यक्षमा डम्बरप्रसाद सिग्देल निर्विरोध निर्वाचित

इटहरी : सुनसरी जिल्ला भरिका सम्पूर्ण खानेपानी समितिहरुको साझा संगठन खानेपानी तथा सरसफाई उपभोक्ता महासंघ (फेडवासन) को तेस्रो जिल्ला अधिवेशनबाट डम्बरप्रसाद सिग्देलको अध्यक्षतामा ११ सदसिय नयाँ कार्य समिति निर्विरोध निर्वाचित भएको छ ।

नयाँ कार्य समिति अन्तर्गत अध्यक्षमा डम्बरप्रसाद सिग्देल, उपाध्यक्षमा कृष्ण कुमारी बि.क, सचिबमा गंगाप्रसाद दाहाल, कोषाध्यक्षमा उमा थरुनी, सह सचिबमा तुलसा दाहाल र सदस्यहरुमा रेखा देबी साह, रेणु कुमारी तिम्सिना, पुष्प बहादुर बस्नेत, तपेन्द्र राई, इसराइल अन्सारी र पूर्ण बहादुर मगर निर्विरोध निर्वाचित भएका हुन् ।

इटहरी खानेपानी उपभोक्ता समितिको सभाहलमा सम्पन्न तेस्रो जिल्ला अधिवेशनमा निर्वतमान जिल्ला अध्यक्ष कमला निरौलाको अध्यक्षता रहेको थियो भने प्रमुख अतिथि प्रदेश न १ का प्रदेशसभा सदस्य माननिय रमेश कुमार बस्नेत रहेका थिए । त्यस्तै फेडवासन केन्द्रीय उपाध्यक्ष जनक गिरी, केन्द्रिय सचिवालय सदस्य राम प्रसाद चौलागाई, राम बहादुर घिमिरे र प्लान नेपाल इन्टरनेशनल सुनसरी-मोरङ्गका कार्यक्रम संयोजक केदार खतिवडा अतिथिका रुपमा रहेका थिए ।