इटहरी : जाडोको समयमा रक्तदान कार्यक्रमहरु कम हुने तर्फ मध्यनजर गर्दै रगत आवश्यक पर्ने विरामीहरुलाई समस्या नहोस् भनेर सुनसरीको इटहरीमा आयोजित रक्तदान कार्यक्रममा ५९ जनाले रक्तदान गरेका छन् ।
इन्खा एकिकृत अस्पताल र पुर्वेली क्लब इटहरीले रगत आवश्यक पर्ने विरामीहरुलाई सहज बनाउने उद्धेश्यले आयोजना गरेको रक्तदान कार्यक्रममा ५९ जना महिला पुरुषले रक्तदान गरेका हुन् ।
इन्खा एकिकृत अस्पतालका अध्यक्ष खगेन्द्र ओलीको अध्यक्षता तथा नेपाल रेडक्रस सोसाइटी इटहरीका सभापति विमल पौडेलको प्रमुख आतिथ्यमा रक्तदान कार्यक्रम आयोजना गरिएको हो । सो अवसरमा नेपाल रेडक्रस सोसाइटी रक्तसंचार केन्द्र धरानका इञ्जार्च सुभाषचन्द्र सिहं लगायतको प्राविधिक सहयोग रहेको थियो ।
पुर्वेली क्लबका अध्यक्ष झलक बनले संयोजना गरेको रक्तदान कार्यक्रममा स्थानीय समाजसेवीहरु केशव विष्ट, रमेश खत्री, गौरीमान परियार लगायतको उपस्थिती रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved