इटहरी : इसाई धर्मालवम्वीहरुको महान चाड क्रिसमसको अवसर पारेर सुनसरीको इटहरीमा वडा दिनको शुभकामना कार्यक्रम आयोजना गरिएको छ ।
मिनकुमार मगरको अध्यक्षता तथा १ नम्बर प्रदेशसभाकी उपसभामुख सरस्वती पोखरेलको प्रमुख आतिथ्यमा वडा दिनको शुभकामना कार्यक्रम आयोजना गरिएको हो ।
वडा दिनका अवसरमा आयोजित कार्यक्रममा सफल जोडीलाई सम्मान गरिएको थियो । त्यसै गरी जेष्ठनागरिकहरुलाई सम्मान सहित न्यानो कपडा वितरण गरियो । कार्यक्रमका प्रमुख बक्ता इसाई धर्मका अगुवा रतनले क्रिसमसका विषयमा जानकारी गराएका थिए ।
कार्यक्रमका सास्कृतिक प्रस्तुति रहेका थिए । सो कार्यक्रममा इटहरी उपमहानगरपालिका वडा नम्बर १ का वडाध्यक्ष रतन कार्की, समाजसेवी रितेश श्रेष्ठ लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
