काठमाडौं : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ तेस्रोपटक प्रधानमन्त्रीमा नियुक्त भएका छन् । राष्ट्रपति विद्यादेवी भण्डारीले नेपालको संविधानको धारा ७६ को उपधारा (२) बमोजिम प्रचण्डलाई बहुमतको प्रधानमन्त्री नियुक्त गरेकी हुन् ।
सत्ता गठबन्धनमा नेपाली कांग्रेससँग सहमति नभएपछि आइतबार मात्रै एमाले लगायत राष्ट्रिय स्वतन्त्र पार्टी, राप्रपा, जसपा, जनमत पार्टी र नागरिक उन्मुक्ति पार्टी र तीन जना स्वतन्त्र सांसद लगायत सात पार्टीका १६९ सांसदको समर्थनमा प्रचण्ड मुलुकको ४४ औं प्रधानमन्त्री भएका हुन् ।
चुनाव लगतै बन्ने सरकारको नेतृत्व प्रचण्डलाई दिने कांग्रेस र माओवादीबीच सहमति भएपछि नेपाली कांग्रेस, माओवादी सहितको सत्ता गठबन्धनबाट स्थानीय, प्रदेश र प्रतिनिधि सभा चुनावमा सहभागी भएका थिए । तर अन्तिम समयमा आएर निवर्तमान प्रधानमन्त्री शेरबहादुर देउवाले सहमति उल्लंघन गरेपछि प्रचण्ड एमाले सहितको सात दलीय गठबन्धनबाट तेस्रोपटक प्रधानमन्त्री हुन सफल भएका हुन् ।
उनी यसअघि २०६५ र २०७३ मा प्रधानमन्त्री बनेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved