इटहरी : प्रकृति पूजक भनेर चिनिने किरात समुदायको दोस्रो ठूलो चाड ‘साकेला उधौली’ इटहरीमा पनि एक कार्यक्रम गरी समापन गरीएको छ । किरात राई बान्तावा खिम केन्द्रीय समितिद्धारा आयोजित किरातीहरुको महान चाड उधौली साकेला चासोक तङनाम कार्यक्रमका बीच उधौली पर्व समापन गरीएको हो ।
इटहरी स्थित शिवनारायण टोल दक्षिण बरगाछी टोलमा किरात बान्तावा खीमको सांस्कृतिक भवन निर्माण स्थलमा आयोजित एक औपचारीक कार्यक्रमका बिच साकेला उधौली समापन गरीएको हो । किरात राई बान्तावा खीमका केन्द्रीय अध्यक्ष ज्ञान किरातीको अध्यक्षता तथा इटहरी १० का वडा अध्यक्ष अवदेश चौधरीको प्रमुख आतिथ्यतामा आयोजित कार्यक्रममा जातीय पोशाक सहीत सांस्कृतिक नृत्य प्रस्तुत गरीएको थियो ।
सो अवसरमा देशका विभिन्न जिल्लाका प्रतिनिधिहरुको सहभागीता रहेको थियो । किरात समुदायमा मंसिरे पूर्णिमादेखि १५ दिनसम्म उधौली र वैशाखे पूर्णिमादेखि महिना दिनसम्म साकेला उभौली चाड मनाउने चलन छ । वर्षको दुईपटक मनाइने साकेला चाडको उधौलीमा अन्नबालीको सह बसोस्, अनिकाल नलागोस् भन्ने कामनाका साथ प्रकृतिको पूजा गर्ने चलन छ । कुखुराको भाले, चोखो, जाँडरक्सी, अदुवा, पहेँलो रङको चामल लगायतका सामग्री प्रयोग गरेर प्रकृतिको पूजा गर्ने प्रचलन रहेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved