बेलगाछी टोल विकास संस्थाको प्रथम वार्षिक साधारणसभा सम्पन्न

इटहरी : सुनसरीको इटहरी उपमहानगरपालिका वडा नम्बर ४ मा रहेको बेलगाछी टोल विकास संस्थाले एम.वि.वि.एस उत्तिर्ण गर्ने सोही टोलकी इन्दिरा गेलाललाई सम्मान गरेको छ ।

टोल विकासका अध्यक्ष टंकबहादुर गेलालको अध्यक्षता तथा इटहरी उपमहानगरपालिका वडा नम्बर ४ का वडाध्यक्ष भक्तबहादुर तामाङ्गको प्रमुख आतिथ्यमा भएको प्रथम वार्षिक साधारणसभामा एम.वि.वि.एस. उत्तिर्ण गर्ने गेलाल लगायत एसइइमा उत्कृष्ट नम्बर ल्याउने टोल विकास क्षेत्रका विद्यार्थीहरु रंजित श्रेष्ठ, समिका ढकाल, विवस पौडेल सहित ज्येष्ठ सदस्यहरुलाई समेत सम्मान गरेको हो ।

प्रथम साधारणसभाले पुनः टंकबहादुर गेलालको अध्यक्षतामा नयाँ कार्यसमिति चयन गरेको छ । त्यसै गरी उपाध्यक्षमा भारती श्रेष्ठ, सचिव राजु ढुंगाना, सहसचिव योगेन्द्र ढकाल, कोषाध्यक्ष सुष्मा पाठक, सहकोषाध्यक्ष ललिता घिमिरे, सदस्यहरुमा उत्तम न्यौपाने, वावुराम तामाङ्ग, दिपा गड्तौला, सुशिला पौडेल, सर्मिला गजमेर लगायत रहेको सल्लाहकार विजया प्याकुरेलले जानकारी दिइन् ।