चतरा : सुनसरीको बराहक्षेत्र नगरपालिका वडा नम्बर १ स्थित तोरीवारी खानेपानी तथा सरसफाई उपभोक्ता समितिका अध्यक्ष डम्बरप्रसाद सिग्देलको अध्यक्षतामा पुन नयाँ कार्य समिति चयन भएको छ । बुधबार भएको निर्वाचनमा प्रतिद्धन्दी कृष्ण प्रसाद कटेललाई ३२१ मतान्तरले पछि पार्दै सिग्देल अध्यक्ष पदमा पुन निर्वाचित भएका छन् ।
लेखा संयोजकमा दिपक कार्की, पुरुष खुल्ला सदस्यमा राजु कार्की, दिपक कोईराला, बिनोद गुरागाई, महिला खुल्ला सदस्य तर्फ गोमा देवी न्यौपाने, रेणु कुमारी तिमिल्सिना र विनु राई निर्वाचित भएका छन् । त्यसैगरि सदस्य कोटामा (वडा नं १ बाट) मदन बहादुर बस्नेत(राजन) र वडा नं २ बाट चन्द्र बहादुर मगर (अनिल) निर्वाचित भएका हुन् ।
निर्वाचनमा जम्मा ९२९ मत खसेको थियो जसमा अध्यक्ष पदाका उम्मेद्धवार डम्बर प्रसाद सिग्देलले ६०२ मत प्राप्त गरि बिजयी भएका थिए भने उनका प्रतिद्धन्दी कृष्ण प्रसाद कटेलले २८१ मत मात्र प्राप्त गरेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
