इटहरी : सांगीतिक साथै मानव सेवाका क्षेत्रमा महत्वपुर्ण योगदान पुर्याउँदै आएको नेपथ्य व्याण्डले मानवसेवा आश्रमको भवन निर्माण तथा अक्षय कोषस्थापनार्थ मानवताका लागि सांगीतिक यात्रा नेपथ्य लाइभ कन्सर्ट गर्ने भएको छ ।
विराटनगर महानगरपालिका वडा नम्बर ५ मा निर्माण भई रहेको मानवसेवा आश्रमको भवन निर्माण सहयोगार्थ सञ्चालन गरिने मानवताको लागि सांगीतिक यात्रा नेपथ्य लाइभ कन्सर्ट यही मंसिर १६ गते विराटनगरको हाटखोलाबाट सुरु गरिने भएको हो ।
सडक आश्रीत मानवहरुको उद्धार गर्दै आएको मानवसेवा आश्रमको विराटनगरमा भवन निर्माण सहयोगार्थ नेपथ्य ब्याण्डले एक महिने अभियान सहित विभिन्न सहरहरुमा लाईभ कन्सर्ट गर्ने इटहरीमा पत्रकार सम्मेलन गरि जानकारी गराइयो । पत्रकार सम्मेलनमा लाइभ कन्सर्टको सह-आयोजकमा लायन्स क्लव इनरनेशनल रहेको जानकारी गराइयो । सो अवसरमा मानवीय सेवाका लागि निर्माण गरिने भवन निर्माण कार्यमा सहयोग पुरयाउन सकियोस भनेर मानवताका लागि सांगीतिक यात्रा नेपथ्य लाइभ कन्सर्ट आयोजना गर्न लागिएको लायन्स क्लव अफ इटहरी स्मार्ट सिटीका अध्यक्ष वेदनाथ भेटवाल राजनले जानकारी दिए ।
मानवसेवा आश्रमको भवन निर्माण तथा अक्षयकोष स्थापनाका लागि सञ्चालन गरिने मानवताका लागि सांगीतिक यात्रा नेपथ्य लाइभ कन्सर्ट हेटौडा, भरतपुर, नेपालगंज, धनगढी, सुर्खेत, बुटवल, पोखरा सहित काठमाडौंमा पनि गरिने सो अवसरमा जानकारी गराइयो ।
विराटनगरमा निर्माण भई रहेको मानवसेवा आश्रममा निर्माण कार्यमा २० करोड लागत लाग्ने अनुमान गरिएको छ । पत्रकार सम्मेलनमा लायन्स क्लव इन्टरनेशनल डिस्टिक ३२५ का गर्भनर धिरज गुरुुङ्ग, पुर्व गर्भनर राजन खत्री, पुर्व भाइस गर्भनर नरनाथ सापकोटा, लायन्स क्लव अफ इटहरी स्मार्ट सिटीका संस्थापक अध्यक्ष राजेन्द्र केशरी घिमिर लगायतको उपस्थिति रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved