विवेकानन्द टोल विकास संस्थाको दोस्रो साधारणसभा सम्पन्न

इटहरी :  सुनसरीको इटहरी उपमहानगरपालिका वडा नम्बर ८मा रहेको विवेकानन्द टोल विकास संस्थाको दोस्रो साधारणसभाले कमलकान्त राईलाई दोस्रो कार्यकालको लागि अध्यक्षमा चयन गरेको छ । इटहरी उपमहानगरपालिका वडा नम्बर ८का वडाध्यक्ष रोहित चौधरीको प्रमुख आतिथ्यमा भएको दोस्रो साधारण सभाले कमलकान्त राईको अध्यक्षतामा एघार सदस्यीय नयाँ कार्यसमिति चयन गरेको हो ।

विवेकानन्द टोल विकास संस्थाले सर्वसम्मत रुपमा चयन गरेको नयाँ कार्यसमितिको उपाध्यक्षमा धनबहादुर विक सचिवमा देवराज घिमीरे सहसचिवमा टिका बोहोरा कोषाध्यक्षमा सिता अधिकारी रहेका छन । त्यसै गरी सदस्यहरुमा पुण्यप्रसाद रोइला , चुडामणी काफ्ले , बोध नारायण चौधरी , कमला कटुवाल ,रेणुका सुनार र सुषमा गिरी चयन भएका छन ।

साधारण सभाको अवसरमा सोही टोलका जेष्ठ नागरिक कुलबहादुर बम लाई सम्मान गरियो त्यसै गरी टोल विकास संस्थाकी निवर्तमान कोषाध्यक्ष विसम्भरा रेग्मीलाई उत्कृष्ट कार्यका लागि सम्मान गरेको छ । आफनो टोल विकास संस्थाको क्षेत्रमा पर्ने स्थानहरुका नाला सरसफाई , सडक बत्ती मर्मत संभार लगातका कार्यहरु गर्दै आएको छ भने हाल संस्थामा ५लाख ८६हजार ६सय २२रुपैया कुल जम्मा रहेको समेत साधारण सभामा जानकारी गराइयो ।