इटहरी : स्वास्थ्य संस्थाहरुमा उपचारका लागि आउने विरामीहरुलाई आवश्यक पर्ने रगत अभाव नहोस् भनेर सुनसरीको इटहरीमा रहेको महिला बचत तथा ऋण सहकारी संस्था लिमिटेडले रक्तदान कार्यक्रम आयोजना गरेको छ ।
मुलुक कै ठुला सहकारीहरु मध्येमा पर्ने बहुसंख्यक महिला सदस्य रहेको महिला बचत तथा ऋण सहकारीले आयोजना गरेको रक्तदान कार्यक्रममा एक सय १० जनाले रक्तदान गरेका छन् ।
सहकारीले बार्षिक कार्यक्रम अन्तरगत हरेक वर्ष झै यस वर्ष पनि रक्तदानको कार्यक्रम गरेको रक्तदान कार्यक्रमकी संयोजक पुनम थापा मगरले जानकारी दिइन् । उनले विरामीहरुलाई उपचारका लागि रगत अभाव नहोस भनेर रक्तदान कार्यक्रमको आयोजना गरेको समेत बताइन् ।
रक्तदान कार्यक्रममा नेपाल रेडक्रस सोसाईटी रक्तसंचार केन्द्र धरानले प्राविधिक सहयोग पुर्याएको थियो । रक्तसंचार केन्द्र धरानमा संकलन हुने रगतको ४० प्रतिशत हिस्सा इटहरीले मात्र पुर्याउँदै आएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
