इलामको सुर्याेदय नगरपालिकामा निर्माण गरिएको स्काई वाकको उद्घाटन

इलाम : आन्तरिक तथा वाह्य पर्यटकहरुलाई आकर्षित गर्न पुर्वी नेपालको इलामको सुर्याेदय नगरपालिकामा निर्माण गरिएको स्काई वाकको पर्यटन प्रवद्धनका लागि खुल्ला गरिएको छ ।सुर्याेदय नगरपालिकाका प्रमुख रणवहादुर राईले एक औपचारिक कार्यक्रमका विच स्काईवाकको उद्घाटन गरेसंग आन्तरिक तथा वाह्य पर्यटकहरुका लागि खुल्ला गरिएको हो ।

पुर्वी नेपालको पर्यटकीय क्षेत्रको नाम लिदा अग्रस्थानमा पर्ने इलामको कन्याममा निर्माण गरिएको स्काईवाकले आन्तरिक तथा वाह्य पर्यटकहरुलाई आकर्षित गर्ने नगरप्रमुख राईले विश्वास व्यक्त गरे ।

इलामको पर्यटकीय क्षेत्र मेची राजमार्गसंगै कन्याममा महिलाहरुको लागनीमा पाँच करोडको लागतमा कन्याम क्लाउड प्रालिले निर्माण गरेको स्काईवाकमा सिसामाथि हिँड्ने स्काई वाक अर्थात आकाशको हिँडाइको अनुभव लिन सकिने , साहसिक पर्यटनका रुपमा विकसीत वन्दै आएको लठ्ठामा साइकल कुदाउन पाइने जस्ता मनोरञ्जनका साधनहरु साथै भौगोलिक सुन्दरताले पर्यटकहरुलाई आकर्षित गर्ने वण्डर्स नेपाल प्रालीका सञ्चालक सुनिल भुषालले जानकारी दिए ।

कार्यक्रममा चर्चित गायिका एलिना चौहान , नायिका वर्षा राउत , गोरखा पत्र संस्थानका सञ्चालक समितिका सदस्य सचिन पोखरेल लगायतका अतिथीहरुको सहभागिता रहेको थियो ।