झापा : ताप्लेजुङका नबिन्द्र गुरुङको हत्यामा संलग्न रहेको आरोपमा प्रहरीले झापाको अर्जुनधारा नगरपालिका ११मा सञ्चालित ताप्लेजुङ इलाम होटलका सञ्चालक इन्द्रबहादुर अधिकारी सहित तीन जनालाई प्रहरीले पक्राउ गरेको छ । गुरुङलाई यही असोज १७ गते तास खेल्ने क्रममा विवाद हुँदा होटल सञ्चालक अधिकारी , सोही होटलका कर्मचारी अमृत आचार्य र उनकी श्रीमती विमला राईले हत्या गरेको आरोपमा प्रहरीले उनीहरुलाई पक्राउ गरेको हो ।
अधिकारीले सञ्चालन गरेको सो होटलमा माथक पद्धार्थ सेवन गरी तास खेल्ने क्रममा विवाद हुँदा गुरुङलाई ढुङगाको लोहोरो र चक्कु प्रहार गरी घाइते वनाएर होटल भन्दा १५० मिटर टाढा खाली जग्गामा लगेको छोडेको र भोली पल्ट विहान गुरुङको शव फेला परेको प्रहरीको प्रारम्भीक अनुसन्धानमा खुले जनाइएको छ । घटनाका विषय जिल्ला प्रहरी कार्यालय झापाले थप अनुसन्धान गरिरहेको १ नम्बर प्रदेश प्रहरी कार्याल्य विराटनगरले जानकारी दिएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved