मोरङ्ग : विद्यालय सञ्चालकहरुको विवादका कारण मोरङ्गको सुन्दरहरैचा नगरपालिका वडा नम्बर ६ मा रहेको पूर्वाञ्चल एकेडेमीका विद्यार्थीहरु आन्दोलित भएका छन् ।
प्रिन्सिपल हटाएर विद्यालयका अध्यक्ष सन्तोष राईलाई प्रिन्सिपल बनाइएपछि विद्यार्थीले पुराना प्रिन्सिपल दिपेन राईलाई नै पुन: कायम गरिनु पर्ने माग गरेका हुन् ।
विद्यालयका सञ्चालक रहेका ८ जना मध्ये ६ जनाको समर्थनमा विद्यालयका अध्यक्ष समेत रहेका सन्तोषलाई प्रिन्सिपल वनाइएपछि विद्यार्थी र अभिभावकहरु आन्दोलित वनेका हुन् । विद्यालय सञ्चालकहरुको विवादले विद्यालयमा पठनपाठन प्रभावित हुने भन्दै अभिभावकहरु समेत विद्यालयमा पुगेर पुन: दिपेन राईलाई प्रिन्सीपल वनाउनु पर्ने माग राखेका थिए ।
विद्यार्थीहरु पनि दिपेन सरले राम्रो पढाउने तथा विद्यालयलाई राम्रो बनाएको भन्दै राईको पक्षमा उत्रिएका थिए । विवाद कै विच विद्यार्थीहरुले राईलाई अबिर जात्रा सहित प्रिन्सिपलको कुर्सीमा वसाएका छन् । विद्यार्थीहरुले राईको पक्षमा विद्यालयमा नाराबाजी समेत गरेका थिए ।
सञ्चालकहरुको वैठकले प्रिन्सिपल वनाइएको दावी गर्ने सन्तोष राईले पनि विद्यालयलाई हानी नहुने गरी छलफल र सहमति गरेर मिलेर विद्यालय सञ्चालन गर्ने जानकारी दिएका छन् ।
यता विद्यार्थीहरुले पुन: प्रिन्सिपलको कुर्सीमा बसाएपछि उत्साहित बनेका राईले सहमति, सहकार्य र एकताको आधारमा विद्यालयलाई अघि वढाउनु पर्नेमा जोड दिए ।
सुन्दरहरैचा क्षेत्रमा संस्थागत विद्यालयमा पुरानो मध्येमा पर्ने पूर्वाञ्चल एकेडेमीको विवाद केही दिन देखि सतहमा आईरहेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved