धरान : सामाजिक, व्यवसायिक र व्यवहारिक शिक्षाको विकासमा जोड दिँदै धरानमा सञ्चानमा रहेको प्राइम भिजन इन्टरनेशनल हस्पिटालिटी म्यानेजमेन्ट कलेजले आफ्नो ५ औं बार्षिक उत्सव धुमधामकासाथ मनाएको छ । उत्सवको अवसर पारेर कलेजले कक्षा १२ को परिक्षा दिएका विद्यार्थीहरुलाई विदाई कार्यक्रमको पनि आयोजना गरेको थियो ।
कलेजका डाइरेक्टर अनिल श्रेष्ठको अध्यक्षता तथा धरान उप महानगरपालिकाका उप प्रमुख आइन्द्र बिक्रम वेघाको प्रमुख आतिथ्यतामा भएको उक्त उत्सवमा बिभिन्न बिधामा छनौट भएका बिद्यार्थीहरुलाई पुरस्कृत पनि गरिएको थियो ।
कलेजले "स्टुडेन्ट अफ द इयर" बाट मेला राईलाई सम्मान गरेको थियो भने "हस्पिटालिटि साईनिगं स्टार" एलिना राई भएकि थिइन् । यसैगरि बिद्यार्थीको छनौटबाट "बेष्ट टिचर अफ द इयर" को उपाधि होटल म्यानजमेन्ट तर्फ संगीत सिग्देलले पाएका थिए भने नवराज बिष्टले कमर्सबाट उपाधि हासिल गरेका थिए । त्यस्तै" वेष्ट ईम्प्लोई अफ द इयर" रोस्मिता श्रेष्ठले पाएकि थिइन् ।
उक्त कार्यक्रममा कलेजले आफ्ना शेयर सदस्यलाई ढाका टोपी र दोसल्ला ओढाएर सम्मान गरेको थियो । सो कार्यक्रममा धरानको शैक्षिक अभियानमा प्राईम भिजन कलेजको महत्वपूर्ण योगदान रहेको भन्दै यसलाई उच्च सम्मान गर्नु पर्ने प्रमुख अतिथि उप मेयर आईन्द्र बिक्रम वेघाले बताए ।
कार्यक्रममा इलाका प्रशासन कार्यलय धरानका प्रशासकिय अधिकृत लोकमान श्रेष्ठ, धरान वडा नं १० का वडा अध्यक्ष विवेक राई लगायत बिभिन्न कलेजका प्रधानाध्यापक, डाईरेक्टर लगायतको उपस्थिति रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved