गर्भ पतन तथा यौन स्वास्थ्यका क्षेत्रमा काम गर्दै आएका संघसंस्थाहरुको प्रदेश स्तरीय समन्वय वैठक

इटहरी : गर्भ पतन तथा यौन स्वास्थ्यका क्षेत्रमा काम गर्दै आएका संघसंस्थाहरुको प्रदेश स्तरीय समन्वय वैठक सुनसरीको इटहरीमा सम्पन्न भएको छ । नेपाल परिवार नियोजन संघ सुनसरी अन्तरगत रहेको इटहरी शाखामा आयोजना गरिएको वैठकमा संघले डिएफएटी प्रोजेक्ट अन्तरगतका विषयमा जानकारी गराएको हो ।

बैठकमा नेपाल परिवार नियोजन संघले सञ्चालन गर्दै आएको डिएफएटी प्रोजेक्टका विषयमा संघका इटहरी प्रमुख कुमार गिरीले जानकारी गराएका थिए । प्रोजेक्त सुरु भएको छोटो समयमा टेलिफोनबाट ७सय ९४ जनालाई परामर्श सेवा दिएको , १८ जनालाई मेडिकल गर्भपतन सेवा प्रदान गरेको लक्षित समुहका स्वास्थ्य सामाग्री वितरण गरिएको लगायतका विषयमा गिरीले बैठकलाई अवगत गराए । डिका प्रोजेक्ट अन्तरगत समन्वय वैठकमा डा.मिनस अर्याल, मानव कल्याण समाजका देव नारायण चौधरी इटहरी उपमहानगरपालिका जनस्वास्थ्य अधिकृत दिनेश कुमार चौधरी , सहयोगी महिला समुहकी दुर्गादेवी आर्चाय नेपाल परिवार नियोजन संघकी स्वास्थ्य अधिकृत रानु राउत सहित विभिन्न संघ संस्था , जनप्रतिनिधि र सञ्चारकर्मीहरुको सहभागिता रहेको थियो ।