इटहरी : राष्ट्रिय प्रजातन्त्र पार्टीका प्रभावशाली केन्द्रीय सदस्य रामकुमार सुब्बाले कमल थापाको अहंमताका कारणले राप्रपाको अध्यक्षमा राजेन्द्र लिङदेनले जितेको बताएका छन् ।
सुनसरीको इटहरीमा राप्रपा सुनसरी क्षेत्र नम्बर २ क ले आयोजना गरेको स्थानीय तहको निर्वाचनको समिक्षा र आगामी प्रदेश तथा संघीय निर्वाचनका विषयको छलफलमा बोल्दै सुब्बाले थापाको अहंमताका कारण लिङदेनले जितेको बताएका हुन् ।
कार्यक्रमका प्रमुुख अतिथी सुब्बाले नेपालका युवापुस्ताको आवाजको प्रतिनिधित्व राजेन्द्र लिङदेनले गरिरहेको भन्दै भाषण भन्दा कर्तव्य निर्वाह गर्न प्रत्येक कार्यकर्ताको ध्यान जानु पर्नेमा जोड दिए ।
राप्रपा सुनसरी क्षेत्र नम्बर २ क का उपाध्यक्ष वुद्धसिंह लिम्बुको अध्यक्षतामा भएको कार्यक्रममा राप्रपा जिल्ला अध्यक्ष दुर्गा बहादुर बस्नेत, इटहरी उपमहानगर समितिका अध्यक्ष आकासहाङ सुब्बा, राप्रपा नेता नविन थापा लगायतको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
