धरान : धरानमा एडभान्स डिप्लोमा अध्यापन गराउँदै आएको प्राइम भिजन इन्टरनेशनल हस्पिटालिटी म्यानेजमेन्ट कलेजले हालै SEE दिएका बिद्यार्थीका लागि निःशुल्क १० दिने होटेल म्यानेजमेन्ट तालिम संचालन गरेको छ ।
बिहीवार बाट सुरु भएको उक्त तालिममा होटल व्यवसाय सम्बन्धि जानकारी दिने, व्यवसायिक किचन सम्बन्धि जानकार बनाउने, विभिन्न परिकारहरु बनाउन सिकाउने, बनाएको खानालाई कसरी ग्राहक माझ प्रस्तुत गर्ने, समूहमा बोल्न सक्ने क्षमताको अभिवृद्धि, व्यक्तित्व विकास जस्ता विभिन्न व्यवहारिक बिषयहरु समेटिएको कलेजका कार्यक्रम संयोजक संगीत सिग्देलले जानकारी दिए ।
विभिन्न विध्यालयबाट आएका छात्र तथा छात्राहरुलाई आज पहिलो दिन हस्पिटालिटीका बारेमा सिग्देलले सहजिकरण गरेका थिए भने उपस्थित बिद्यार्थीहरुले पनि यो तालिम भिन्न खाल्को रहेकाले रोचक र जिवनोपयोगी हुनेमा विश्वस्त रहेको बताए ।
तालिम फलदायी होस् भन्ने हेतुले धेरै बिद्यार्थीले फारम भरेता पनि एक पटकमा मात्र १५ जना समेटेर तालिम संचालन गरेको साथै यो तालिम सकिनासाथ बाँकी रहेका बिद्यार्थीलाई समेटेर पुनः दोस्रो तालिम पनि संचालन गर्ने कलेजका सि.ई.ओ अभिषेक श्रेष्ठले बताए ।
तालिम जेष्ठ २६ गतेबाट सुरु भई असार ६ गते सम्पन्न हुने छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
