काठमाडौँ : लियोनल मेस्सीको शानदार प्रदर्शनमा अर्जेन्टिनाले एस्टोनियालाई विशाल गोल अन्तरले पराजित गरेको छ । गएराति एस्टोनियासँग भएको मैत्रीपूर्ण खेलमा मेस्सी एक्लैले पाँच गोल गरेपछि अर्जेन्टिनाले ५-० को फराकिलो जित निकालेको हो ।
खेलको ८ औं मिनेटमा पेनाल्टी मार्फत टोलीलाई अग्रता दिलाएका मेस्सीले ४५ औं मिनेटमा दोस्रो गोल गर्दै पहिलो हाफमा २-० को अग्रता दिलाएका थिए ।
दोस्रो हाफको सुरूमै ह्याट्रिक पुरा गरेका मेस्सीले पुनः ७१ औं मिनेटमा चौथो र ७६ औं मिनेटमा पाँचौ गोल गर्दै टोलीलाई फराकिलो जित दिलाए । मेस्सीले राष्ट्रिय टोलीबाट एउटै खेलमा पाँच गोल गरेको यो पहिलो पटक हो।
कोपा अमेरिका च्याम्पियन अर्जेन्टिनाले यसअघि युरो कप च्याम्पियन इटालीलाई ३-० ले हराउँदै फिनालिसीमाको उपाधि जितेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
