ईटहरी : वेल्स ६४ वर्ष पछी फिफा विश्वकपका लागि छनोट भएको छ । सन् १९५८ मा अन्तिम पटक विश्वकप खेलेको वेल्स ६४ वर्षको लामो पर्खाइपछि विश्वकप फुटबलमा फर्किएको हो ।
गए राति इङ्ल्यान्डको कार्डिफ सिटि स्टेडियममा सम्पन्न खेलमा वेल्सले उक्रेनलाई १-० गोलले पराजित गर्दै विश्वकपमा आफ्नो स्थान पक्का गरेको हो । वेल्सलाई विजयी गराउन उक्रेनले ३३ औं मिनेटमा गरेको आत्मघाती गोल नै निर्णायक बन्यो ।
२०२२ नोवेम्बर २१ गते देखि कतारमा सुरु हुने फिफा विश्वकपका लागि युरोपका सबै १३ टिमको टुंगो लागेको छ । कुल ३२ टिम सहभागी हुने विश्वकपका लागि अब मात्र २ टिम छनोट हुन बाँकी छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
