कराँते डोजो च्याम्पेनशिपका विजयी खेलाडीहरु पुरस्कृत

इटहरी : जुनियर इटहरी नगर कराँते डोजो च्याम्पेनशिपका विजयी खेलाडीहरुलाई एक कार्यक्रम विच पुरस्कार वितरण गरिएको छ । इटहरी उपमहानगरपालिकाको आयोजना तथा कराँते इटहरी नगर कमिटिको सहआयोजनामा सम्पन्न भएको प्रतियोगिताका खेलाडीहरुलाई पुरस्कृत गरिएको हो ।

कराँतेका दक्ष खेलाडी उत्पादनमा प्रोत्साहन गर्ने लक्ष्य सहित इटहरी क्षेत्रका कराँतेका विभिन्न इभेन्टहरुमा खेलाडीहरुलाई प्रतिस्पर्धा गराउने क्रम अन्तर्गत सञ्चालित जुनियर इटहरी नगर कराँते डोजो च्याम्पेनशिपमा लक्ष्मि डोजो प्रथम, मकालु डोजो दोस्रो र आयोजक टिम तेस्रो भएका थिए । विजयी डोजो र खेलाडीहरुलाई कार्यक्रमकी प्रमुख अतिथी इटहरी उपमहानगरपालिकाकी उपप्रमुख संगिता चौधरीले शिल्ड तथा प्रमाण पत्र सहित पुरस्कृत गरियो ।

प्रतियोगितामा ८ वटा डोजोका २ सय ५० जना खेलाडीहरुले प्रतिस्पर्धा गरेका थिए । प्रतियोगिता २० केजी तौल समुह देखि लिएर ६० केजी तौल समुह सम्मका महिला र पुरुष समुहका खेलाडीहरु आआफनो समुहमा प्रतिस्पर्धा गरेका थिए भने एकल काता पनि समावेश गरिएको कराते डोजो नगर कमिटि अध्यक्ष दुर्गा बहादुर बुढाथोकीले जानकारी दिए ।

कार्यक्रममा इटहरी उपमहानगरपालिका वडा नम्बर ७ का वडाध्यक्ष राज कुमार चौधरी, कराँते इटहरी नगर कमिटिका सचिव समिर राज पोखरेल, इटहरी ७ कराँते कमिटिका अध्यक्ष नवराज रिजाल, पुर्व कराँते खेलाडि तथा प्रशिक्षक किरण सुब्बा, केशब श्रेष्ठ, बिकाश चौधरी, रुद्र वी.क. लगायतलाई सोही अवसरमा सम्मान गरिएको थियो ।