बिराटनगर : पार्किङमा राखेको चिकित्सकको मोटरसाइकलमा आगजनी गरिएको छ। विराटनगरस्थित कोशी अस्पतालमा कार्यरत कन्सल्टेन्ट सर्जन डा. रविनराज सिंहको मोटरसाईकल शुक्रबार बिहान आगजनी भएको हो।
अस्पताल परिषरमा राखिएको को २५ प ५०२४ नम्बरको मोटरसाइकलमा मध्यरातमा आगलागी भएपछि अन्य चिकित्सक तथा अस्पतालका कर्मचारीको सहयोगमा आगलागी नियन्त्रणमा आएको थियो।
आफ्नो नियमित कार्य तालिका अनुसार बिहीबार राति करिब ९ बजे अस्पतालको पार्किंगमा मोटरसाईकल राखिएको डा। सिंहले जानकारी दिए।सधैझैं पार्किंग क्षेत्रमा मोटरसाईकल राखेर काममा गएको बताएका उनले एक्कासी मध्यरात आगलागी भएको खबर पाएको जानकारी दिए। आगजनी भएको मोटरसाईकल यसअघि गतवर्ष मंसिर अन्तिम साता चोरी समेत भएको थियो।
अस्पतालमा भित्र कसले आगजनी गरेको भन्ने विषयमा प्रहरीले अनुसन्धान सुरु गरेको जिल्ला प्रहरी कार्यालय मोरंगले जनाएको छ।
प्रतिक्रिया दिनुहोस
Copyright © 2019 / 2024 - Newpati.com - All rights reserved