इटहरीमा बलात्कार विरुद्ध प्रदर्शन

इटहरी : "बलात्कार बिरुद्धको आवाज, न्याय सहितको पुनः निर्मित समाज" भन्ने मुल नाराका साथ सुनसरीको इटहरी उपमहानगरपालिकामा युवा युवतिहरुले प्रदर्शन गरेका छन् ।

देशमा बारम्बार बलात्कारका घटनाहरु दोहोरिरहँदा पनि सरकार मौन रहेको उनिहरुको आरोप छ । महिला राष्ट्रपती भएको देशमा महिला नै सुरक्षित छैनन् भन्दै उनिहरुले आपत्ती जनाएका थिए ।

बलात्कारको घटनामा सरकारले १ वर्षको हदम्याद प्रति सरकारको ध्यानाकर्षण गराउन उक्त कार्यक्रमको आयोजना गरिएको साथ सहयोग समर्थन नेपालकी केन्द्रीय अध्यक्ष रक्षा घिमिरेले जानकारी दिइन् ।

उनिहरुले हिजो निर्मला आज सुस्मिता भोलि को?? जस्टिस फर सुस्मिता लेखिइको प्लेकार्डका साथ प्रदर्शन गरेका थिए ।

गोरखा डिपार्टमेन्ट अगाडी बाट सुरु भएको विरोध प्रदर्शन र्‍याली प्रहरी कार्यलय हुँदै इटहरी चोकमा पुगि कोणसभामा परिणत भएको थियो ।