इटहरी १४ मा स्वतन्त्र उम्मेद्वारको प्यानल विजयी

इटहरी : सुनसरीको इटहरी उपमहानगरपालिका वडा नम्बर १४ बाट स्वतन्त्र उम्मेद्वार रमेश प्रसाद चौधरीको प्यानलनै विजयी भएको छ ।२०७९ को स्थानिय तह निर्वाचनमा इटहरी १७ बाट चुनाव चिन्ह हाँस लियेर चुनाबी मैदानमा होमिएका चौधरीको प्यानल नै बिजयी भएको हो ।

कुल २७९७ मत खसेको उक्त वडामा चौधरीले ८६७ मत प्राप्त गर्दै निकटतम प्रतिद्वन्दी नेकपा एमालेका दुखीलाल चौधरीलाई २३३ मतान्तरले हराएका हुन् । विजयी हुने प्यानलबाट वडा अध्यक्ष चौधरी सहित महिला सदस्य तर्फ रुकमणी देवि चौधरी, दलित महिला सदस्य तर्फ डोमनी देवी पासवान त्यस्तै सदस्यतर्फ उसमान मिया र जमिला मियानी निर्वाचित भएका छन् । विजयी भएपछी चौधरीको प्यानल इटहरी उपमहानगरपालिकाबाट विजय जुलुश निकाली वडावासिको घरघरमा पुगेको थियो ।

यसअघि भएको २०७४ को स्थानिय तह निर्वाचनमा उक्त वडामा नेकपा एमालेको प्यानल विजयी भएको थियो ।