बराहक्षेत्र : बराहक्षेत्र नगरपालिका वडा नं २ मा नेकपा एमालेको प्यानल विजयी भएको छ । मतगणनाको अन्तिम परिणाम सार्वजनिक हुँदा वडा नम्बर २ को अध्यक्ष पदमा एमालेका होम प्रसाद गौतमले १ हजार ७ सय ९१ मत ल्याएर विजयी भएका हुन् ।
उनका निकटतम प्रतिस्पर्धी नेपाली कांग्रेसका नारायण नेपालले १ हजार ६ सय ७५ मत प्राप्त गरे । राप्रपाबाट वडा अध्यक्षका उम्मेद्वार भवानी गौतमले ८६ मत मात्र प्राप्त गरे ।
त्यस्तै दलित महिला सदस्यमा सिर्जना परियार १ हजार ८ सय ३७ मत पाएर विजयी भइन् भने खुल्ला महिला सदस्यमा चुनु श्रेष्ठले १ हजार ८ सय ५१ मत पाएर विजयी भइन् । खुल्ला सदस्यतर्फ झप्पड कट्वालले १ हजार ७ सय ६० र प्रेम दाहालले १ हजार ७ सय २३ मत ल्याएर विजयी भएका हुन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved