बृद्व भत्ता अझै पनि एमालेको चुनावी कार्ड !

इटहरी :  नेकपा एमालेका अध्यक्ष केपी शर्मा ओलीले वडामा एक्लै लड्न नसक्नेले देश चलाउन नसक्ने भन्दै नेपाली काँग्रेस नेतृत्वको गठवन्धनलाई कटाक्ष गरेका छन ।

सुनसरीको इटहरीमा एमालेको नगरस्तरीय वृहत चुनावी जनसभालाई सम्वोधन गर्दै अध्यक्ष ओलीले अहिलेको गठवन्धनको सरकार वैतिक स्वार्थ अहंकार ईश्या र डाहा यस्तै कुराबाट बनेको सरकार भएकाले केही गर्न नसक्ने आरोप समेत लगाए ।

पुर्व प्रधानमन्त्री समेत रहेका एमाले अध्यक्ष ओलीले गठवन्धनसंग के गर्ने भन्ने गन्तव्य छैन यो त जसरी भएपनि सरकार बनाउने वाडीचुडी खाने नातागोता पार लगाउनेमा मात्र लागेको बताउदै उनले अवको निर्वाचनमा यस्तालाई जित्न दिनेकी समृद्धि र विकासको एजेण्डा भएको एमालेलाई जिताउने भनेर प्रश्न गरे ।

मनमोहन अधिकारी नेतृत्वको एमालेको अल्पमतको सरकारले सुरु गरेको वृद्ध भत्ता वितरण गर्ने नीति एमालेको मुख्य चुनावी नारा त्यस समय देखि बन्दै आएको छ । इटहरी आएका ओलीले पनि रमाइलो शैलीमा वृद्ध भत्तालाई चुनावी कार्डका रुपमा प्रयोग गरे । उनले मानिसको बाच्ने इच्छा समेत एमालेले जगाएको वताउदै अव वृद्ध भत्ता नसमाती प्रयोग नगरी कोही पनि मरौला भन्ने चिताउने छैन उनाले भने ।  

पुर्व प्रधानमन्त्री समेत रहेका एमाले अध्यक्ष ओली चुनावी अभियान अन्र्तगत विभिन्न ठाउँका कार्यक्रमलाई सम्वोधन गर्ने क्रममा सुनसरी आईपुगेका छन ।