बराहक्षेत्र : बराहक्षेत्र नगरपालिका वडा नं २ मा अवस्थित हिमालयन इङलिस स्कुलको ३१ औं वार्षिक उत्सव आज आफ्नो निजि भवनमा सम्पन्न भएको छ ।
वार्षिक कार्यक्रम अन्तर्गत परीक्षामा प्रथम, दोस्रो र तेस्रो हुने तथा खेलकुद प्रतियोगिता तथा अन्य विधाहरुमा विजयी हुने विधार्थीहरुलाई मायाको चिनो, मेडल र पुरस्कार प्रदान गरिएको थियो ।
त्यसै गरी समाजका विविध विकृति, विसङ्गति चिरफार गरी विकाश, सुशासन र गतिशिलता प्रदान गर्दै विगत लामो समयदेखि नागरिकहरुमा सहि सत्य सुचना सम्प्रेषणमा अहोरात्र खटिने बराहक्षेत्रका अग्रज पत्रकार हिमाल राई तथा सन्तोष गुप्तालाई सम्मान गरेको छ ।
वार्षिक अवसरमा बिद्यार्थीहरुले विभिन्न भाषिक नेपाली गितमा रोचक नृत्यहरु प्रस्तुत गरेर मनोरञ्जन प्रदान गरेका थिए भने स्कुलमा कार्यरत शिक्षिकाहरुले पनि रोचक नृत्य प्रस्तुत गरेका थिए ।
कार्यक्रमका प्रमुख अतिथि बराहक्षेत्र नगरपालिका शिक्षा अधिकृत उत्तम भारति अतिथिहरु सारदा खड्का, हिमाल राई, सन्तोष गुप्ता लगायत अभिभावक, बिद्यार्थीहरुको बाक्लो उपस्थिति रहेको थियो ।
कार्यक्रमको सभापतित्व स्कुलका प्रध्यानाध्यापक आलोक श्रेष्ठ गरेका थिए भने स्वागत मन्तव्य प्रदिप ठकुरीले दिनु भएको थियो ।
कार्यक्रम सन्चालक द्बय गोमा दाहाल तथा ऋषि आचार्यले गरेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
