इनरुवा : स्थानीय तहको निर्वाचनमा आफनो पक्षमा मत माग्न राजनैतिक दल तथा स्वतन्त्र उमेदवारहरुले प्रचारप्रसारलाई तिव्रता दिई रहेको समयमा नेपाली काँग्रेसले इनरुवा नगरपालिकामा घरदैलो अभियान सुरु गरेको छ ।
यही बैशाख ३० गते हुने स्थानीय तहको निर्वाचनका मतदाताहरुलाई आफनो पक्षमा मतदान गराउन आग्रह गर्न नेपाली काँग्रेसले उमेदवारहरु सहित घरदैलो अभियान सुरु गरेको हो ।
इनरुवा नगरपालिकाको वडा नम्बर ५ बाट घरदैलो कार्यक्रम सुरु गरेको हो । घरदैलो कार्यक्रममा नेपाली काँग्रेसका केन्द्रीय सदस्य तथा प्रदेश नम्बर १का संसदीय दलका नेता राजिव कोइराला संघीय सांसद सिताराम मेहता लगायतको सहभागितामा उमेदवारहरु सहित नेता कार्यकताहरु मतदाताको घरघर पुग्न थालेका छन । वडा नम्बर ५बाट सुरु भएको घरदैलो अभियान सबै वडामा गरिने जनाइएको छ ।
काँग्रेसका तर्फबाट इनरुवा नगरपालिकामा जिल्ला सभापति समेत रहेका केदार भण्डारी नगरप्रमुख र बिनिता मेहता उपप्रमुखका उमेदवार रहेका छन । घरदैलो कार्यक्रममा जारी रहेको वडा नम्बर ५मा वडाध्यक्षका उमेदवार अनिल पोखरेल लगायत वडा सदस्यका उमेदवारहरु पनि मत माग मतदाताहरुको घरघर पुगिरहेका छन । इनरुवा नगरपालिकाको निर्वाचनमा प्रतिस्पर्धीका रुपमा रहेका नेपाली काँग्रेस तथा एमाले , राजपा ,माओवादी लगायतका दल तथा स्वतन्त्र उमेदवारहरुले प्रचारप्रसारमा तिव्रता दिदै आएका छन ।
इनरुवा नगरपालिकामा ४२हजार ७सय ४८ मतदाता रहेका छन भने १९ मतदान स्थान ४७ मतदान केन्द्र रहेका छन ।
प्रतिक्रिया दिनुहोस
Copyright © 2019 / 2024 - Newpati.com - All rights reserved